چین میں سڑک حادثہ، 6 ہلاک

چین کے سیچاؤن میں سڑک حادثہ پیش آیا جس میں چھ افراد ہلاک اور دیگر 20 زخمی ہوگئے۔

صوبہ سیچاؤن میں ایک عہدیدار کے مطابق تیز رفتار بس کے الٹ جانے کے نتیجہ میں چھ افراد ہلاک ہوگئے۔

ہفتہ کو شیچانگ۔چینگڈو ہائی وے پر تیز رفتار بس روڈ ڈیوائڈر سے ٹکراکر الٹ گئی جبکہ بس میں 36 مسافر سوار تھے۔ موقع پر ہی دو افراد ہلاک ہوگئے تھے جبکہ دیگر چار افراد ہسپتال میں علاج کے دوران فوت ہوگئے۔

تمام بیس زخمیوں کا ہسپتال میں علاج کیا جارہا ہے جبکہ ان میں سے تین کی حالت تشویشناک بتائی جارہی ہے۔

چین میں سڑک حادثات عام بات ہے اور بیشتر حادثات کا تعلق ٹرافک قوانین کی خلاف ورزی ہوتی ہے جبکہ 90 فیصد حادثات میں جانی نقصان اور لوگ زخمی ہوتے ہیں۔