کوئٹہ میں 6عسکریت پسند ہلاک

پاکستان کے سلامتی دستوں نے آج خفیہ اطلاع کی بنیاد پر شمال مشرقی کوئٹہ کے بائی پاس علاقے میں چھ عسکریت پسندوں کو ہلاک کرنے کا دعویٰ کیا ہے۔

بلوچستان کے پولیس ڈائریکٹر جنرل حسن بٹ نے تصدیق کرتے ہوئے کہا کہ مارے گئے عسکریت پسند تنظیم اسلامک اسٹیٹ سے منسلک تھے۔

مسٹر بٹ نے بتایا کہ اس مہم میں بلوچستان کانٹیبلری کا ایک افسر بھی مارا گیا جبکہ انسداد دہشت گردی دستے (اے ٹی ایف)کے چھ جوان زخمی ہوئے ہیں۔زخمیوں میں ایک کی حالت نازک بتائی جاتی ہے۔
یہ مہم چھ گھنٹے چلی۔انسداد دہشت گردی محکمے نے دہشت گردوں سے بڑی تعداد میں ہتھیار اور دھماکہ خیز مواد برآمد کئے ہیں۔

’ ڈان’ کے مطابق مسٹر بٹ نے بتایا کہ مارے گئے عسکریت پسندوں میں ایک خاتون بھی شامل ہے۔عسکریت پسندوں کی لاشیں پوسٹ مارٹم کے لئے سیول اسپتال بھیج دی گئی ہیں۔