ترکی میں چھ افراد جاسوسی کے الزام میں زیر حراست

ترکی میں روسی پاسپورٹ کے ساتھ چھ افراد جاسوسی کے الزام میں حراست میں لیے گئے ہیں، پولیس نے ان کی تلاشی کے دوران اسلحہ، الیکٹرانک آلات کے دستاویزات اور روسی پاسپورٹ بھی ضبط کیے ہیں۔

ترک پولیس نے غیر ملکیوں پر حملوں کی سازش کرنے اور خفیہ معلومات حاصل کرنے کی کوشش کے الزام میں روسی پاسپورٹ کے ساتھ چھ افراد کو حراست میں لیا ہے۔

سی این این ترک براڈکاسٹر نے ہفتہ کو قانون نافذ کرنے والے ذرائع کے حوالے سے یہ معلومات دی۔ براڈکاسٹر نے بتایا کہ حراست میں لیے گئے لوگوں کے ترکی میں داخل ہونے کے فوری بعد سے ان پر نگرانی رکھی جارہی تھی۔

پولیس نے ان کی تلاشی کے دوران اسلحہ، الیکٹرانک آلات کے دستاویزات اور روسی پاسپورٹ ضبط کیے ہیں۔ ابھی تک یہ معلوم نہیں ہوسکا کہ ان کے پاسپورٹ اصلی ہیں یا جعلی۔

(یو این آئی)