سنگاپور کے وزیراعظم لی ہسین لونگ نے ٹیلی ویژن خطاب میں کہا کہ ’صدر سے پارلیمنٹ تحلیل کرنے کی گذارش کی گئی ہے تاکہ جلد انتخابات کی راہ ہموار ہوسکے۔ انہوں نے کہا کہ انتخابات کے بعد نئی حکومت اپنی معیاد کے پانچ سال مکمل کرے گی۔
وزیراعظم کا یہ اعلان ملک میں کورونا وبا کے پیش نظر عائد پابندیوں میں کچھ نرمیوں کے فوری بعد سامنے آیا ہے۔
انہوں نے کہا کہ ’اس بات کی کوئی گیارنٹی نہیں ہے کہ موجودہ حکومت کی میعاد کی تکمیل تک یعنی آئندہ اپریل تک یہ وبا ختم ہوجائے گی، اسی لئے فوری انتخابات کرانے کا فیصلہ کیا گیا ہے‘۔
سنگاپور کے وزیراعظم کا کہنا ہے کہ ’کورونا وبا کے خاتمہ کا انتظار نہیں کیا جاسکتا کیونکہ موجودہ حکومت کی میعاد سے قبل وبا کے ختم ہونے کے کوئی آثار نہیں ہے، اسی لیے ملک میں عام انتخابات کرانے کا فیصلہ کیا گیا ہے‘۔
