فوجی کارروائی میں سات طالبان ہلاک

افغانستان کے صوبہ قندھار میں فوج نے سکیورٹی چوکیوں پر طالبان جنگجوؤں کی جانب سے کئے گئے حملے کو ناکام کر دیا۔

افغانستان میں فوج کی جوابی کارروائی میں 7 طالبان ہلاک ہوگئے۔ افغانستان کی وزارت دفاع نے اتوار کے روز ٹویٹر پر بیان جاری کر کے یہ اطلاع دی ۔

وزارت دفاع کا ٹوئٹ

وزارت دفاع نے ٹویٹر پر لکھا کہ صوبہ قندھار کے ضلع ژڑی میں سات طالبان جنگجو مارے گئے۔

یہ جنگجو افغان نیشنل آرمی اور سکیورٹی فورسز کے ٹھکانوں پر حملہ کرنے کی منصوبہ بندی کر رہے تھے ۔

اس کے علاوہ صوبہ زابل کے ضلع ارغنداب میں ہفتے کے روز چار طالبانی جنگجو مارے گئے۔ واضح ر ہے کہ قطر کے دارالحکومت دوحہ میں افغان حکومت کے نمائندوں اور طالبان کے مابین ستمبر ماہ سے بات چیت جاری ہے ، لیکن اس کے باوجود افغانستان میں تشدد کے واقعات رونما ہو رہے ہیں ۔