افغانستان کے شمالی بگلان صوبے میں فوج کے ایک ٹھکانے پر طالبان دہشت گردوں کے حملے میں کم از کم سات پولیس افسر مارے گئے۔
خبر رساں ایجنسی نے سکیورٹی ذرائع کے حوالے سے جمعرات کو یہ اطلاع دی۔
طالبان کے حملے میں سات پولیس افسروں کی موت
'طالبان عسکریت پسندوں نے بدھ کی رات بگلان صوبے کے دارالحکومت پولی خمری میں فوج کے ٹھکانے پر حملہ کیا'۔
رپورٹ کے مطابق طالبان عسکریت پسندوں نے بدھ کی رات بگلان صوبے کے دارالحکومت پولی خمری میں فوج کے ٹھکانے پر حملہ کیا۔حملے میں سات پولیس افسر مارے گئے جبکہ پانچ دیگر زخمی ہوئے ہیں۔فوج کی جوابی کارروائی میں کچھ دہشت گرد بھی ہلاک ہوئےہیں،لیکن اس کی پختہ رپورٹ نہیں ہے۔
فوج اور طالبان دونوں فریقوں نے واقعہ پر ابھی کوئی تبصرہ نہیں کیا ہے۔