افغانستان: مارٹر حملے میں سات افراد ہلاک، 9 دیگر زخمی

ضلع قیصر کے ایک بازار میں طالبان عسکریت پسندوں کے مارٹر حملے میں متعدد دکانوں کو بھی نقصان پہنچا ہے۔

افغانستان کے شمالی صوبہ فاریاب میں مارٹر کے حملے میں کم از کم سات افراد ہلاک اور 9 دیگر زخمی ہوگئے۔

قومی نشریاتی ادارہ آریانا نیوز نے جمعرات کے روز اپنی رپورٹ میں آرمی کے حوالے سے یہ اطلاع دی۔

رپورٹ کے مطابق بدھ کی شام کو ضلع قیصر کے ایک بازار میں طالبان عسکریت پسندوں کے مارٹر حملے میں متعدد دکانوں کو بھی نقصان پہنچا۔

رپورٹ میں کہا گیا ہے کہ اس حملے میں دو سکیورٹی اہلکار بھی زخمی ہوئے ہیں۔

طالبان نے ابھی تک اس حملے کے بارے میں کوئی بیان جاری نہیں کیا ہے۔

(یو این آئی)