روسی اور ایرانی صدور کے مابین ناگورنو قرہباخ جنگ بندی پر گفتگو

ایرانی صدر نے انسانی بنیاد پر جنگ بندی پر روس، آذربائیجان اور آرمینیا کے وزرائے خارجہ کے سہ فریقی تبادلہ خیال اور پرامن معاہدے کے جلد سے جلد ممکن ہونے کے لئے ٹھوس بات چیت شروع کرنے پر معاہدے کی حمایت کی ہے۔

روسی صدر ولادیمیر پوتن نے ایرانی صدر حسن روحانی کے ساتھ فون پر بات چیت کے دوران ناگورنو قرہباخ میں جنگ بندی معاہدے کے سلسلے میں ماسکو کی ثالث کی حمایت کی۔

روسی صدارتی دفتر کی جانب سے جاری بیان میں کہا گیا کہ ایرانی صدر نے انسانی بنیاد پر جنگ بندی پر روس، آذربائیجان اور آرمینیا کے وزرائے خارجہ کے سہ فریقی تبادلہ خیال اور پرامن معاہدے کے جلد سے جلد ممکن ہونے کے لئے ٹھوس بات چیت شروع کرنے پر معاہدے کی حمایت کی ہے۔

بیان کے مطابق دونوں رہنماوں نے کورونا وائرس کے پھیلنے کا مقابلہ کرنے اور روس کے ذریعہ تیار کردہ اسپوٹنک وی ویکسین سے متعلق ہر ممکن تعاون دینے کے سلسلے میں دوطرفہ تعاون پر بھی بات چیت کی۔