کرونا وائرس کی وکسین بنانے میں کئی مہینے لگیں گے

اس حال میں جب محققین ویکسین تیار کرنے کی کوشش کر رہے ہیں، فرانس میں کورونا وائرس کے کچھ تصدیق شدہ مریضوں کو اینٹی وائرل علاج دیا جارہا ہے جو کام کر بھی سکتا ہے اور نہیں بھی۔

فرانسیسی محققین جو کورونا وائرس کے خلاف ویکسین تیار کرنے کے لیے کام کر رہے ہیں، ان کا کہنا ہے کہ آنے والے 20 مہینوں میں یہ ویکسین تیار ہوجائے گی۔

پیرس میں پاسچر انسٹی ٹیوٹ میں حیاتیات یونٹ کے سربراہ کرسٹوف ڈی اینفرٹ کا کہنا ہے کہ ایبولا وائرس کے طرز پر جو ایک، دو، تین مرحلوں میں ایک برس کے کلینیکل ٹرائل کے بعد ایبولا کے ویکسین کو تیار کیا جا سکا تھا، اسی طرح انہیں امید ہے کہ اگر سب کچھ ٹھیک رہا تو تقریبا 20 ماہ میں کورونا وائرس کے ویکسین کو تیار کر لیا جائے گا۔

اس حال میں جب محققین ویکسین تیار کرنے کی کوشش کر رہے ہیں، فرانس میں کورونا وائرس کے کچھ تصدیق شدہ مریضوں کو اینٹی وائرل علاج دیا جارہا ہے جو کام کر بھی سکتا ہے اور نہیں بھی۔

پاسچر میڈیکل میں ریسرچ یونٹ کے سربراہ برونو ہوئن کا کہنا ہے کہ تین یا شاید چار مریضوں کو اینٹی وائرل ٹریٹمنٹ دیا جارہا ہے جس کے لئے وہ بھی پیمائش کر رہے ہیں کہ یہ کتنا موثر ہے۔

واضح رہے کہ چین میں تقریبا 213 اموات کی اطلاع مل چکی ہے۔ 9 ہزار 800 افراد اس سے متاثر ہوئے ہیں۔