عباسی کو نیب نے جمعرات کو ایل این جی ٹھیکہ معاملے میں گرفتار کیا ہے۔
پی ایم ایل۔ این کے رہنما احسن اقبال نے عمران خان کا موازنہ ایڈولف ہٹلر سے کرتے ہوئے کہا کہ ان کی پارٹی وزیراعظم کو ’پاکستان کا ہٹلر‘ نہیں بننے دے گی۔
دوسری طرف پارٹی صدر شہباز شریف نے بھی عباسی کی گرفتاری کےبعد میڈیا سے خطاب کرتے ہوئے الزام عائد کیا کہ اپوزیشن کو دبانے کے لئے وزیراعظم اور نیب گٹھ جوڑ کے ساتھ کام کررہی ہے۔
شہباز شریف نے کہا کہ انسداد بدعنوانی ادارہ نے جتنے بھی لیڈروں کو گرفتار کیا ہے اس میں سے زیادہ تر کا تعلق پی ایم ایل این سے ہے۔
انہو ں نے کہا کہ عباسی اور ان کی ٹیم نواز شریف کی قیادت میں ملک میں گیس قیمتوں پر لگام لگانے اور لوڈ شیدنگ پر قابو کے لئے ذمہ دار ہے۔
دی ایکسپریس ٹریبون کے مطابق پارٹی صدر نے کہا کہ جب وزیراعظم خود ہی یہ دعوی کررہے ہیں کہ ملک چوروں سے اٹاپڑا ہے تو یہاں کوئی کیوں سرمایہ کاری کرنا چاہے گا۔
اقبال نے سوال کیا کہ کیا یہاں ہر شہری دہشت گرد ہے؟ انہوںنے کہا کہ ہم اپنی زندگی قربان کرسکتے ہیں لیکن ہم اس حکومت کا پردہ فاش کرنے کے اپنے راستے سے نہیں ہٹیں گے۔