بھارتی وزیراعظم نریندر مودی اور ان کے بنگلہ دیشی ہم منصب شیخ حسینہ جمعرات کو ایک ورچوئل سمٹ سے خطاب کریں گے۔
اس ورچوئل سمٹ میں شرکت کے دوران دو طرفہ تعلقات پر جامع بات چیت کریں گے۔ جس میں کئی امور کے علاوہ عالمی وبا کورونا وائرس (کووڈ۔19) کے بعد دونوں قریبی ممالک کے درمیان تعاون کو مزید مستحکم کرنے پر زور دیا جائے گا۔
یہ سربراہی کانفرنس وجے ڈیوس کے ایک روز بعد منعقد ہورہی ہے، جس میں بنگلہ دیش کی تشکیل کا سبب سنہ 1971 کی جنگ میں پاکستان پر بھارت کو فتح حاصل ہوئی تھی۔
بھارت اور بنگلہ دیش نے اکتوبر 2019 میں بنگلہ دیش کے وزیراعظم کا بھارت میں سرکاری دورہ کرنے کے ساتھ ہی اعلی سطح پر باقاعدہ تبادلے جاری رکھے ہیں۔
وزیراعظم مودی نے مارچ 2020 میں 'مجیب بورشو' کے تاریخی موقع پر ایک ویڈیو پیغام دیا تھا۔ دونوں قائدین کووڈ-19 وبا کے خاتمہ اور نظام صحت کی بہتری کے ضمن میں باقائدہ مصروف رہے ہیں۔
ذرائع نے بتایا کہ بھارت اور بنگلہ دیش ٹرانسپورٹ اور رابطے کو بڑھانے کے لئے کوششیں کر رہے ہیں۔
دونوں اطراف کی قیادت نے بھارت اور بنگلہ دیش کے مابین 1965 سے پہلے کے چھ ریل رابطوں کی بحالی اور ان کو عملی جامہ پہنانے کا عزم کیا ہے۔
مغربی بنگال کے ہلدی باڑی اور بنگلہ دیش کے چلہاٹی ریل لنک کے افتتاح کے ساتھ ہی اس وقت چھ میں سے پانچ ریل رابطوں پر کام جاری ہے۔
بنگلہ دیش کے ساتھ مغربی بنگال کو منسلک کرنے والے دیگر چار آپریشنل ریل رابطے ہیں جس میں پیٹراپول (بھارت) - بیناپول (بنگلہ دیش) ، گیڈے (بھارت) - درشانہ (بنگلہ دیش) ۔ سنگ آباد (بھارت) -روہن پور (بنگلہ دیش) اور رادھیکاپور (بھارت) -بیرول (بنگلہ دیش) شامل ہیں۔
ذرائع کا کہنا ہے کہ ہلدی باڑی ۔ چلہاٹی ریل لنک کولکتہ سے سلیگوری تک براڈ گیج مین روٹ کا ایک حصہ تھا لیکن 1965 کی جنگ نے تمام ریلوے رابطوں کو منقطع کردیا۔
ذرائع نے بتایا کہ اس ریل رابطے کی بحالی کے لئے دونوں اطراف سے رابطے کو بڑھانے اور دونوں اطراف سے عوام سے عوام کے رابطوں کو بحال کرنے پر بھی زور دیا جارہا ہے۔
ذرائع نے بتایا کہ ہلدی باڑی ۔ چلہاٹی روٹ بنگلہ دیش سے آسام اور مغربی بنگال کے رابطے کو بڑھا دے گا۔ اگرتلا اور اخھاؤرا کو ملانے والے ریل لنک پر بھی کام جاری ہے۔
- بابائے قوم شیخ مجیب الرحمٰن:
واضح رہے کہ بنگلہ دیش سنہ 2020 کو مجیب بورشو کے نام سے منا رہا ہے۔ یہ بنگلہ دیش کے بابائے قوم شیخ مجیب الرحمٰن کے یوم پیدائش کی تقریب ہے۔
آج یعنی 17 مارچ کو مجیب بورشو کے آغاز کے موقع پر اپنے ریمارکس میں وزیراعظم مودی نے کہا کہ مجیب الرحمٰن پچھلی صدی کی سب سے بڑی شخصیت تھی اور ان کی پوری زندگی سب کے لئے ایک تحریک ہے'۔
دونوں وزرائے اعظم نے مشترکہ طور پر بانگھنڈو شیخ مجیب الرحمن پر یادگاری ڈاک ٹکٹ کا افتتاح کیا تھا۔ ذرائع نے بتایا کہ محکمہ ڈاک کے ذریعہ بینڈبھنھو پر کل 500،000 ڈاک ٹکٹ، 30750 فرسٹ ڈے کوورز اور 25610 بروشرز جاری کیے گئے ہیں۔
دونوں وزرائے اعظم نے مشترکہ طور پر مہاتما گاندھی اور شیخ مجیب الرحمن کی زندگی اور وراثت کو منانے کے لئے ایک بینگبندھو - باپو ڈیجیٹل نمائش کا افتتاح کیا۔ ذرائع نے بتایا کہ اس نمائش کو نئی دہلی میں دکھایا جائے گا۔
