سنہری مسجد میں 90 کی دہائی کے وسط تک خواتین باجماعت نماز جمعہ ادا کرتی تھیں لیکن علاقہ میں دہشت گرد سرگرمیوں کی وجہ سے یہ سلسلہ رک گیا تھا۔ اب جبکہ یہاں حالات پرامن ہوگئے ہیں تو خواتین پھر سے اس مسجد میں نماز جمعہ ادا کرسکیں گی۔
پشاور کی مسجد میں خواتین کو نماز جمعہ ادا کرنے کی اجازت
امن وامان کی صورتحال بہتر ہونے کے بعد خواتین دوبارہ پشاور کی تاریخی سنہری مسجد میں نماز جمعہ ادا کرسکیں گی۔
Published : Mar 1, 2020, 2:21 PM IST
Published : Mar 1, 2020, 2:21 PM IST
|Updated : Mar 3, 2020, 1:34 AM IST
تقریباً 25 سال بعد سنہری مسجد میں خواتین کےلیے نماز جمعہ کا باجماعت اہتمام کرنے کا فیصلہ کیا گیا ہے۔ اس سلسلے میں مسجد کے باہر ایک بینر آویزان کیا گیا ہے جس میں خواتین کو مطلع کیا گیا ہے کہ وہ نماز جمعہ کی ادائیگی کے لیے سنہری مسجد آسکتی ہیں۔
واضح رہے کہ قبل ازیں مسجد کے قریب آس پاس کے علاقوں میں کئی بم دھماکے ہوئے تھے جس کے بعد خواتین کو مسجد میں باجماعت نماز جمعہ ادا کرنے سے روک دیا گیا تھا اور اب پشاور کے علاقہ کینٹ میں امن و امان بہتر ہونے کے بعد تاریخی سہنری مسجد میں پھر سے خواتین نماز جمعہ باجماعت پڑھ سکیں گی۔