پاکستان میں ٹک ٹاک پر پابندی، اسٹارز کا رد عمل

چین کے مشہور ومعروف 'ٹک ٹاک' ایپ پر پاکستان میں پابندی عائد کردی گئی ہے جس پر پاکستانی ٹک ٹاک اسٹارز کا عمل سامنے آیا ہے۔

بھارت میں چینی ایپ ٹک ٹاک کو بند کیے جانے کے بعد اب پاکستان میں بھی بند کر دیا گیا ہے۔ اس پابندی کی وجہ بے حیائی کا پھیلنا بتایا گیا ہے۔ اس پابندی سے جہاں ایک طرف پاکستانی نوجوانوں کو مایوسی ہوئی ہے، وہیں دوسری طرف پاکستانی شوبز کی جانب سے اس فیصلے کے خلاف رد عمل سامنے آیا ہے۔

پاکستان کی اسٹار حریم شاہ نے کہا کہ 'اس ایپ پر پابندی سے ٹک ٹاک اسٹارز میں ہلچل اور بے چینی پیدا ہوگئی ہے، اگر حکومت کسی اہم سبب سے اس پر پابندی عائد کرتی ہے ہمیں کوئی اعتراض نہیں تاہم اگر اس پر بے حیائی کی وجہ سے پابندی کی جارہی ہے تو پاکستان میں دیگر بہت سارے ایپ موجود ہیں جو بے حیائی کا باعث ہیں'۔

انہوں نے کہا کہ بے حیائی کو بنیاد بنا کر ٹک ٹاک پر پابندی لگانا درست نہیں ہو سکتا، کیوں کہ اس کے ذریعہ دنیا بھر میں پاکستان کے نوجوانوں کا ٹیلنٹ سامنے آ رہا تھا۔