پاکستانی حکومت نے تعلیمی ادارے 18 جنوری سے سلسلہ وار کھولنے کا اعلان ہے۔
عالمی وبا کورونا وائرس میں بند کیے جانے والے تعلیمی اداروں کو مرحلہ وار کھولنے کا اعلان کیا گیا ہے۔
پاکستان کے وزیر تعلیم شفقت محمود نے کہا ہے کہ 25 جنوری سے پرائمری تا 8ویں کلاس کے تعلیمی ادارے کھل جائیں گے۔ 18 جنوری کو نویں، دسویں، گیارہویں اور بارہویں کی کلاسیز شروع ہو جائیں گی جبکہ یکم فروری سے جامعات و دیگر اعلی تعلیمی ادارے کھل جائیں گے۔
پاکستان کے وزیر تعلیم شفقت محمود وزیر تعلیم شفقت محمود، وزیر اعظم عمران خان کے معاون خصوصی صحت ڈاکٹر فیصل نے پریس کانفرنس میں اعلان کیا کہ ملک بھر میں تعلیمی ادارے تین مراحل میں کھولنے کا فیصلہ کیا گیا ہے۔
یہ بھی پڑھیں: پاکستان: مندر کی حفاظت میں لاپروائی برتنے پر 12 پولیس اہلکار معطل
وزیر تعلیم کے مطابق نویں سے بارہویں کے امتحانات ہونے والے ہیں اور فیصلہ کیا گیا ہے کہ اس برس کسی بچے کو امتحان کے بغیر پاس نہیں کیا جائے گا۔
شفقت محمود نے کہا کہ بورڈ کے امتحانات مئی اور جون میں ہوں گے۔
وزیر برائے تعلیم نے کہا کہ تعلیمی ادارے کھولنے کا فیصلہ صوبوں کی مشاورت سے کیا گیا ہے۔ 14 اور 15 جنوری کو صحت کی صورتحال کا دوبارہ جائزہ لیا جائے گا۔
وزیر تعلیم شفقت محمود کی زیر صدارت بین الصوبائی وزرائے تعلیم اجلاس ہوا۔ اجلاس میں کورونا وائرس کے باعث بند تعلیمی اداروں کو مرحلہ وار کھولنے پر وزراء تعلیم متفق ہوگئے ہیں۔
