پاکستانی وزیر اعظم عمران خان جرمنی کے وزیر خارجہ ہائیکو ماس سے ملاقات

وزیراعظم عمران خان نے جرمنی کے وزیر خارجہ ہائیکو ماس سے ملاقات کی اور مختلف امور پر تبادلہ خیال کیا۔

پاکستان کے وزیراعظم ہاؤس میں ہونے والی ملاقات کے دوران دونوں رہنماؤں نے پاک جرمن تعلقات،امن وسلامتی کے قیام کی صورت حال پر بات چیت کی۔

ذرائع کے مطابق بھارت پاک کی حالیہ کشیدگی بھی بات چیت کا اہم حصہ تھی۔

جرمن وزیر خارجہ نے وزیراعظم عمران خان کی پلاومہ حملہ کے بعد بھارت کو امن کے پیش کش کی تجویز کو دنیا میں امن کے قیام اور عالمی برادری کے لیے مثبت قرار دیا۔

قابل ذکر ہےکہ جرمن وزیرخارجہ نے جرمن چانسلر کی جانب سے وزیراعظم کو جرمنی کا دورہ کرنے کی دعوت بھی دی۔

پاکستان اور جرمنی نے دوطرفہ سرمایہ کاری، تجارتی و اقتصادی تعاون، سائنس و ٹیکنالوجی سمیت تعلیم و دیگر شعبوں کے فروغ میں تعاون پر اتفاق رائے کا اظہار کیا۔