رشید نے منگل کو کینسر کے مرض میں مبتلا ایک صحافی کے لیے قابل اعتراض زبان استعمال کیا تھا جس کے بعد پاستان کے نیشنل پریس کلب (این پی سی) نے ان پر سات دنوں کے لیے داخلہ اور کوریج پر پابندی لگا دی ہے۔
پریس کلب کی جانب سے جاری اعلامیہ میں بتایا گیا کہ جیو ٹی وی کے صحافی ناصر سے این پی سی چیئرمین شکیل کرار كے ملنے کے بعد یہ فیصلہ لیا۔ صحافی ناصر کا راولپنڈی میں واقع بے نظیر بھٹو اسپتال میں کینسر کا علاج چل رہا ہے۔
ناصر نے کرار کو بتایا کہ رشید نے حال ہی میں جب اسپتال کا دورہ کیا تھا تو ایک مقامی صحافی نے انہیں صحافی ناصر کی بیماری کی طرف توجہ دلائی۔ اس پر ریلوے کے وزیر نے ناصر کے لیے غیر مہذب زبان کااستعمال کیا جس سے ان کے جذبات مجروح ہوئے۔
اس کے بعد منگل کو راولپنڈی اور اسلام آباد میں رشید کے کوریج اور این پی سی کے کیمپس میں ان کے داخلہ پر ایک ہفتہ کی پابندی لگانے کا فیصلہ کیا گیا۔
این پی سی نے تمام صحافیوں، ويڈيو اور تصویر صحافیوں سے پابندی پر عمل کرنے کی اپیل کرنے کے ساتھ ملک کے تمام پریس کلب سے سات دن کے لیے رشید کے داخلہ پر پابندی کو لاگو کرنے کی درخواست کی۔
