عمران حکومت کو بجٹ سیشن میں واک اوور ملا

پاکستان میں عمران خان کی حکومت کو قومی پارلیمنٹ میں اس وقت واک اوور مل گیا جب حزب اختلاف کے رہنما شہباز شریف، بلاول بھٹو زرداری اور آصف علی زرداری سمیت ان کے اراکین کی اکثریت ایوان کی کارروائی سے غیر حاضر رہی۔

پاکستان میں عمران خان کی حکومت کو قومی پارلیمنٹ میں مسلسل دوسرے سال واک اوور مل گیا اور 30 کھرب روپے سے زیادہ 49 مطالبات کو منظوری دے دی گئی۔

پاکستان کی قومی پارلیمنٹ میں ہفتے کے روز کے بجٹ کے منظور ہونے سے روکنے کے لیے اپوزیشن کی ہر ممکن کوشش کرنے کے دعویٰ کے باوجود 49 مطالبات کو منظوری مل گئی اور حزب اختلاف کے اراکین کے 967 کٹ موشن کو اکثریت کے ساتھ مسترد کردیا گیا۔

ڈان اخبار کی رپورٹ کے مطابق اراکین حزب اختلاف کی غیر سنجیدگی کا اندازہ اس حقیقت سے لگایا جاسکتا ہے کہ قائد حزب اختلاف شہباز شریف، پاکستان پیپلز پارٹی (پی پی پی) کے چیئرمین بلاول بھٹو زرداری اور آصف علی زرداری سمیت ان کے اراکین کی اکثریت ایوان کی کارروائی سے غیر حاضر رہی اس طرح بجٹ اجلاس کے اہم مرحلے کے دوران حکومت کو آسانی سے منظوری کا موقع مل گیا۔

(یو این آئی)