وزیر اعظم عمران خان کی زیرصدارت پاکستان کی کابینہ نے بھارت سے چینی اور کپاس کی درآمد کی اجازت دینے کی حکومتی تجویز کو مسترد کر دیا ہے۔
ذرائع کےمطابق کابینہ کے اجلاس میں اقتصادی رابطہ کمیٹی کی بھارت سے چینی اور کپاس درآمد کرنے کی سفارش پر غور کیا گیا۔ اس کے بعد اقتصادی رابطہ کمیٹی نے بھارت سے چینی اور کپاس کی درآمد کرنے کی سفارش کی تھی۔
پاکستان کے وزیر انسانی حقوق ڈاکٹر شیریں مزاری نے اپنے آفیشل ٹویٹر ہینڈل پر ٹویٹ کرتے ہوئے کہ 'آج کابینہ نے واضح طور پر بھارت سے تجارت نہ کرنے کا فیصلہ کیا ہے'۔
انہوں نے کہا ہے 'بھارت کی جانب سے 5 اگست 2019 کو بھارت کے زیر انتظام جموں و کشمیر میں ''غیر قانونی'' اقدامات واپس لیے جانے تک اس سے تعلقات بحال نہیں ہوں گے'۔
واضح رہے کہ گذشتہ روز پاکستانی کابینہ نے بھارت کے ساتھ تجارتی تعلقات کی بحالی کو منظوری دے دی ہے، جسے بھارت کے ساتھ تعلقات کی بحالی کے پیش نظر ایک بڑے قدم کے طور پر دیکھا جارہا ہے۔
