سابق فوجی جنرل بلال اکبر سعودی عرب میں پاکستانی سفیر مقرر

پاکستان نے گذشتہ ماہ فوج سے سبکدوش ہونے والے لیفٹیننٹ جنرل بلال اکبر کو سعودی عرب میں اپنا نیا سفیر مقرر کیا ہے۔ وہ سفارت کار راجہ علی اعجاز کی جگہ لیں گے۔

پاکستان کے سابق فوجی جنرل بلال اکبر کی تقرری اس وقت ہو رہی ہے جب پاکستان اپنے خلیجی اتحادیوں کے ساتھ ڈگمگائے تعلقات کو پھر سے مضبوط کرنے کی کوشش کر رہا ہے۔

پاکستانی کے سابق فوجی جنرل بلال اکبر

پاکستانی وزارت خارجہ امور کا کہنا ہے کہ پاکستان نے حال ہی میں ریٹائر ہونے والے ایک فوجی جنرل کو سعودی عرب میں اپنا نیا سفیر مقرر کیا ہے۔

وزارت کی طرف سے ایک مختصر بیان میں کہا گیا کہ گذشتہ ماہ فوج سے سبکدوش ہونے والے لیفٹیننٹ جنرل بلال اکبر سفارت کار راجہ علی اعجاز کی جگہ لیں گے۔

اکبر نے پاک فوج میں 20 برس سے زیادہ عرصے کے دوران متعدد اعلی عہدوں پر خدمات انجام دیں، جن میں چیف آف جنرل اسٹاف، راولپنڈی میں قائم ایکس کور کے کمانڈر رہنے کے علاوہ صوبہ سندھ میں پاکستان رینجرز کی سربراہی بھی شامل ہے۔

سابق فوجی جنرل بلال اکبر سعودی عرب میں پاکستانی سفیر مقرر

میڈیا رپورٹ کے مطابق، سعودی عرب میں راجہ علی اعجاز دو برس تک خدمات سر انجام دیتے رہے ہیں۔

خیال رہے کہ اب سعودی عرب اور پاکستان دونوں کے سفیروں کا پس منظر فوج سے ہے۔ پاکستان میں سعودی عرب کے سفیر نواف بن سعید ال مالکی کا تعلق سعودی نیوی سے تھا۔

سفارتی ذرائع کا کہنا ہے کہ دونوں ممالک کے مابین مضبوط تعلقات کے علاوہ معاشی، فوجی اور سرمایہ کاری کو فروغ دینا ہے۔

پاکستانی فوج کے سابق سربراہ جنرل راحیل شریف سعودی عرب میں سنہ 2017 سے فوجی خدمات انجام دے رہے ہیں۔