پاکستان: بس حادثہ میں 10 افراد ہلاک

پاکستان کے شہر لاڑکانہ میں مسافر بس کے حادثے میں 10 افراد ہلاک اور 15 زخمی ہوگئے۔

پولیس کے مطابق حادثہ لاڑکانہ میں بھینس کالونی کے قریب پیش آیا جہاں ایک مسافر بس الٹنے سے 10 افراد جاں بحق ہوگئے۔ پولیس کے مطابق جاں بحق افراد میں 3 خواتین، 2 بچے اور 5 مرد شامل ہیں، لاشیں اسپتال منتقل کردی گئی ہیں جب کہ اسپتال ذرائع کا کہنا ہےکہ بس حادثے کے 15 زخمیوں کو بھی اسپتال لایا گیا ہے۔

پولیس کا کہنا ہے کہ بھینس کالونی کے قریب ٹریکٹر کو بچاتے وقت بس الٹ گئی۔ حادثے اتنا دردناک تھا کہ بس کو کاٹ کر زخمیوں اور ہلاک ہونے والوں کا نکالا گیا۔