Imran Khan on RSS: عمران خان کا آر ایس ایس پر حملہ

وسطی جنوبی ایشیا کانفرنس میں شرکت کرنے تاشکند پہنچے پاکستان کے وزیر اعظم عمران خان نے ایک نیوز ایجنسی کو بھارت پاک کے درمیان بات چیت کے متعلق اہم بیان دیا ہے۔

بھارت اور پاکستان کے درمیان بات چیت کے متعلق پاکستان کے وزیر اعظم عمران خان نے ایک اہم بیان دیتے ہوئے آر ایس ایس پر حملہ کیا ہے۔

وسطی جنوبی ایشیا کانفرنس میں شرکت کرنے ازبکستان کے دارالحکومت تاشکند پہنچے پاکستان کے وزیر اعظم عمران خان نے جمعہ کے روز نیوز ایجسنی کے ایک سوال کے جواب میں کہا کہ ہم ایک مہذب پڑوسی ہونے کے ناطے بہتر توقعات رکھتے ہیں لیکن آر ایس ایس کی ذہنیت بیچ میں دیوار بن گئی ہے۔

نیوز ایجنسی اے این آئی نے عمران خان سے پوچھا تھا کہ کیا بات اور دہشتگردی ایک ساتھ ممکن ہے؟ حالانکہ طالبان کے متعلق پوچھے گئے سوال کا عمران خان نے جواب نہیں دیا اور وہ چلے گئے۔