بھارت کی ٹڈی دل کو قابو میں کرنے کے لئے ایران اور پاکستان سے تعاون کی پیشکش

بھارت نے كووڈ -19 عالمی وبا کے بعد اب ٹڈی دل کے حملوں سے فصلوں کو بچانے کے لئے اب ایران اور پاکستان کو تعاون کی پیشکش کی ہے جس پر ایران نے مثبت رخ دکھایا ہے لیکن پاکستان کی جانب سے کوئی رد عمل نہیں آیا ہے۔

ذرائع نے یہاں بتایا کہ بھارت نے كووڈ -19 کی طرز پر ریگستانی ٹڈیوں کو قابو میں کرنے کے سلسلے میں پہل کی ہے۔ جنوبی اور جنوب مغربی ایشیا میں ٹڈی دل کا حملہ فصلوں کو برباد کر دیتا ہے۔ اس سال بھی یہ علاقہ اس چیلنج کا سامنا کر رہا ہے۔

اقوام متحدہ کی ایف اے او کی رپورٹ کے مطابق ایران کے جنوب مغربی ساحلی میدانوں سے لے کر سیستان بلوچستان کے اندرونی علاقوں میں ٹڈیوں کی پیدائش ہورہی ہے۔ یہ ٹڈی دل پاکستان کے بلوچستان، خیبر پختونخوا اور پنجاب صوبوں میں تباہی مچاتے ہیں ۔ ہندوستان میں پنجاب، ہریانہ اور راجستھان کے سرحدی علاقوں میں یہ دل فصلوں کو زبردست نقصان پہنچاتے ہیں۔