'اپنے دفاع کے لیے میزائل تجربہ صحیح اقدام'

شمالی کوریا کا کہنا ہے کہ 'شمالی کوریا کو امریکہ اور جنوبی کوریا کے فوجی خطرے سے خود کو محفوظ کرنے کے لیے ایسے تجربے کرنے ہوتے ہیں۔'

شمالی کوریا نے اپنے میزائلی تجربے کو صحیح قرار دیا ہے اور کہا ہے کہ ان کا اپنے دفاع کے لئے میزائل تجربہ کرنے کا فیصلہ صحیح ہے۔

شمالی کوریا کی سرکاری خبر رساں ایجنسی کے سی این اے نے ورکرز پارٹی کی مرکزی کمیٹی کے سکریٹری ری کے حوالے سے اپنی رپورٹ میں بتایا کہ’’نئی قسم کے اسٹریٹجک گائڈڈ میزائلوں کا حالیہ تجربہ اپنے دفاع کے لئے خود مختار ریاست کا مکمل حق ہے۔ یہ ایک ایسا عمل تھا جو قومی دفاعی پالیسی کے اہداف کے حصول کے لئے کیا گیا تھا۔ ہماری پارٹی اور حکومت نے یہ قدم ملک کی دفاعی صلاحیتوں کو فروغ دینے کے لئے اٹھایا ہے۔

انہوں نے کہا کہ شمالی کوریا کو امریکہ اور جنوبی کوریا کے فوجی خطرے سے خود کو محفوظ کرنا ہے جو ’خطرناک جنگی مشقیں اور جدید ہتھیار پیش کررہے ہیں‘۔

واضح رہے کہ شمالی کوریا نے جمعرات کے روز دو بیلسٹک میزائلوں کا تجربہ کیا تھا، جس کے بعد بین القوامی سطح پر جاپان، امریکہ سمیت مخلتف ممالک نے سوالات کھڑے کئے تھے۔

(یو این آئی)