نیپال 7 اپریل سے کووڈ 19 کے حفاظتی ٹیکوں کی مہم کے دوسرے مرحلے کا آغاز چین کی طرف سے دئے جانے والے ویکسین کے ذریعے کرے گا۔
نیپال میں ٹیکہ کاری مہم کے پہلے مرحلے کا آغاز جنوری میں آکسفورڈ آسٹرا زینیکا ویکسین کی 10 ملین خوراک سے ہوا تھا جو بھارت نے 'ہمسایہ فرسٹ' پالیسی کے تحت فراہم کیا تھا۔
نیپال کی وزارت صحت اور آبادی کے ترجمان ڈاکٹر جوگیشور گوتم نے بتایا کہ دوسرا مرحلہ بدھ یعنی 7 اپریل سے شروع ہوگا۔
چین کے ذریعہ تیار ویکسین ویروسیل کی آٹھ لاکھ خوراک فرنٹ لائن ملازمین کے ساتھ ساتھ پہاڑی علاقے میں تجارت کر رہے لوگوں کی دی جائے گی۔
گوتم نے بتایا کہ یہ ویکسین اسکالرشپ اسکیموں کے تحت چین میں تعلیم حاصل کرنے والے نیپالی طلبہ اور مزید تعلیم حاصل کرنے کے لئے چین جانے کی تیاری کرنے والے طلبہ کو بھی دی جائے گی۔
انہوں نے بتایا کہ 'کل 9 لاکھ افراد کو ٹیکے دینے کا ہدف رکھا گیا ہے۔ تقریباً 5 لاکھ لوگوں کو ٹیکے لگائے جا چکے ہیں۔
چین کی طرف سے عطیہ کی جانے والی یہ 8 لاکھ خوراکیں ٹارگٹ گروپ کے باقی 4 لاکھ افراد کو دی جائیں گی۔
نیپال میں چینی سفیر ہو یانکی نے 29 مارچ کو کاٹھمانڈو میں منعقدہ ایک خصوصی پروگرام کے دوران کووڈ ۔19 کی ویکسین وزیر صحت و پاپولیشن وزیر ہدیش ترپاٹھی کے حوالے کی۔
نیپال نے رواں سال 18 فروری کو چین کے بیجنگ انسٹی ٹیوٹ آف بایولاجیکل پروڈکٹس کے ذریعہ تیار کردہ کورونا وائرس ویکسین ویرو سیل کے استعمال کو مشروط ہنگامی منظوری دے دی ہے۔
