نیپال میں اسپوتنک وی ویکسین کے ایمرجنسی استعمال کی اجازت

نیپال کے ڈرگ ایڈمنسٹریشن ڈیپارٹمنٹ (ڈی ڈی اے) نے ملک میں 18 برس سے زیادہ عمر کے لوگوں کے لیے روس کی کووڈ ویکسین اسپوتنک وی کے ایمرجنسی استعمال کی مشروط اجازت دی ہے۔

میڈیا رپورٹوں کے مطابق کورونا وائرس کی روک تھام کے پیش نظر روسی ویکسین اسپتونک وی کے ایمرجنسی استعمال کے لیے مشروط اجازت دی گئی ہے۔ اس کا استعمال 18 برس سے زیادہ عمر والوں کے لیے کیا جاسکتا ہے۔

نیپال میں 20 اپریل تک کے اعداد و شمار کے مطابق کورونا وائرس کے 287567 معاملے سامنے آئے ہیں جبکہ 3102 مریض اس مہلک وبا سے ہلاک ہوئے ہیں۔