میانمار میں کورونا انفیکشن کے 23 نئے کیسز

میانمار میں گزشتہ 24 گھنٹوں کے دوران کووڈ ۔19 کے 23 نئے معاملات سامنے آئے ہیں جس کے بعد مجموعی طور پر متاثرین کی تعداد 286 ہوگئی ہے۔

وزارت صحت کے مطابق نئےکیسز میں تھائی لینڈ اورملیشیا سے واپس آئے لوگ شامل ہیں جنہیں یہاں پہنچنے کے بعدکورنٹائن میں رکھا گیا تھا۔

میانمارمیں سب سے پہلے گزشتہ 23 مارچ کو کورونا انفیکشن کے دو کیسز درج کئے گئے تھے جبکہ اب تک اس بیماری سے چھ افراد اپنی جان گنواچکے ہیں۔