لزبوس جزیرہ پر مہاجرین کھلے آسمان کے نیچے

لزبوس جزیرہ پر مہاجر کیمپ میں رہنے والی خواتین اور معصوم بچوں سمیت ہر طرح کے لوگ رات کی ٹھنڈ اور دن کی دھوپ میں یوں ہی بے یار و مددگار پڑے ہوئے ہیں اور ان کی خبر لینے والا کوئی نہیں ہے۔

گذشتہ دنوں کثیر آبادی والے یونان کے لزبوس جزیرہ پر واقع موریہ کیمپ میں زبردست آگ لگنے سے یہاں کے پناہ گزیں کیمپ بدر ہو کر رہ گئے ہیں۔

گذشتہ 9 ستمبر کو آتشزدگی ہوئی تھی اور آج تیسرے روز بھی مہاجرین کھلے آسمان کے نیچے زندگی گذارنے پر مجبور ہیں۔

ان میں سے کچھ لوگ خود کو محفوظ کرنے کے لیے عارضی سایہ فراہم کر اپنی مدد آپ کر رہے ہیں۔ لوگ ایسے موقع پر اقوام متحدہ کی مذمت کرتے ہوئے ان کی توجہ مبذول کرانے کی کوشش کر رہے ہیں۔

ایک مہاجر نے بتایا کہ وہ گذشتہ 3 دنوں سے بھوکے پیاسے کھلے آسمان کے نیچے پڑے ہیں اور اس دوران ان کے ساتھ بچے اور بیمار خواتین ہیں۔

واضح رہے کہ امدادی تنظیموں نے طویل عرصے سے کیمپ میں موجود خراب حالات کے بارے میں متنبہ کیا تھا، جس کی گنجائش صرف 2،750 افراد کی ہے، لیکن اس میں 12،500 سے زیادہ رہائش پزیر ہیں۔