ملیشیا کے وزیر اعظم نے کورونا کا ٹیکہ لگوایا

ملیشیا نے آج سے کورونا وائرس ویکسینیشن مہم کا آغاز کردیا ہے۔ اس موقع پر سب سے پہلے وزیر اعظم محی الدین یاسین کو کورونا کا ٹیکہ لگایا گیا۔

ملیشیا نے اپنے شہریوں کو کورونا سے بچانے کے لیے کورونا ٹیکہ کاری مہم کا آغاز کر دیا ہے۔ سب سے پہلے وزیر اعظم محی الدین یاسین کو کورونا کا ٹیکہ لگایا گیا۔

وزیر اعظم کو پٹراجایا کے ایک ویکسینیشن سینٹر میں نرس کی جانب سے فائزر کی خوراک دی گئی۔

ملیشیا کی وزارت صحت کے ڈائریکٹر جنرل نور ہشام عبد اللہ کو بھی کورونا کا ٹیکہ لگایا گیا۔

سب سے پہلے وزیر اعظم محی الدین یاسین کو کورونا کا ٹیکہ لگایا گیا

ملیشیا نے ویکسین فراہم کرنے والے کئی کمپنیوں کے ساتھ معاہدے کیے ہیں جن میں فائزر اور آسٹرا زینیکا بھی شامل ہیں۔

ملیشیا نے امید ظاہر کی ہے کہ آئندہ برس تک اپنے 32 ملین شہریوں میں سے 80 فیصد لوگوں کو کورونا کا ٹیکہ لگ جائے گا۔

ملیشیا میں پہلے مرحلے میں 50 لاکھ سے زائد ہیلتھ کیئر اور فرنٹ لائن ورکرز کو کورونا کا ٹیکہ لگایا جائے گا۔