سری لنکا الیکشن کمیشن کے جاری کردہ حتمی نتائج کے مطابق سری لنکا کے سیاسی رہنما مہندرا راجہ پاکسے نے جمعہ کے روز سیاسی واپسی کا آغاز کردیا ہے۔ ان کی پارٹی نے دو مرتبہ ملتوی ہونے والے عام انتخابات میں زبردست کامیابی درج کی۔
وزیراعظم کی زیرقیادت پارٹی نے پیش کش پر 22 انتخابی اضلاع میں سے چار کو چھوڑ کرسبھی کو جیت لیا۔ جنوبی سری لنکا میں فتح حاصل ہوگئی ہے۔ جس میں اکثریت سنہالہ برادری کا غلبہ ہے۔ بیشتر علاقوں میں یہ شرح 60 فیصد زیادہ ہے۔ پارٹی نے 59.9 فیصد پر 6.8 ملین ووٹ حاصل کیے۔
بھارت کے وزیراعظم نریندر مودی انتخابات کے نتائج پر راجہ پاکسے کو مبارکباد دینے والے پہلے عالمی رہنماؤں میں شامل ہیں اور کہا کہ 'دونوں فریق باہمی تعاون کے تمام شعبوں کو آگے بڑھانے اور اپنے خصوصی تعلقات کو نئی اونچائیوں تک لے جانے کے لئے مل کر کام کریں گے'۔
راجہ پاکسے نے ٹوئٹ کیا ہے کہ 'آپ کا مبارکبادی فون کال کے لئے وزیر اعظم نریندرمودی کا شکریہ۔ سری لنکا کے عوام کے بھر پور تعاون کے ساتھ میں ہمارے دونوں ممالک کے مابین دیرینہ تعاون کو مزید تقویت دینے کے لے آپ کے ساتھ مل کر کام کرنے کے لیے منتظر ہوں۔ سری لنکا اور بھارت دوست ہیں اور دونوں کے درمیان بہتر تعلقات ہیں'۔
ایس ایل پی پی کے ٹکٹ پر نومبر کے صدارتی انتخابات میں کامیابی حاصل کرنے والے صدر مہندا راج پکشے نے شیڈول سے چھ ماہ قبل ہی اچانک انتخابات کا مطالبہ کیا تھا۔
عالمی وبا کورونا وائرس کے درمیان سری لنکا میں حال میں اختتام پذیر ہوئے 61ویں عام انتخابات میں مہندا راج پکشے کی سری لنکا پپلز پارٹی (ایس ایل پی پی) یکطرفہ سبقت کی طرف گامزن نظر آرہی ہے اور پارٹی نے اب تک 16میں سے 13سیٹوں پر اپنا قبضہ جما لیا ہے۔
ایس ایل پی پی نے گلے ضلع میں ڈالے گئے مجموعی ووٹوں میں سے 70.54فیصد یعنی 430,334ووٹ حاصل کرلئے ضلع کی تمام دس سیٹوں کو جیت لیا ہے اور 18.93فیصد ووٹوں کے ساتھ ایس جے بی پارٹی دوسرے نمبر پر ہے۔ اس کے علاوہ جنتھا ومکتی پیرمونا کی قیادت والی جتھیکا جن بلوگیا کو 4.91فیصد یعنی 29,963ووٹ ملے ہیں جبکہ جنا جنت ومکتی پرمونا پارٹی 3.11یعنی 18,968ووٹوں کے ساتھ چوتھے نمبر پر ہے۔
