لبنان میں وزیر اعظم کا انتخاب بیربل کی کھچڑی

گذشتہ کئی ہفتوں سے لبنان میں سیاسی صورتحال بے حد کشیدہ ہے، اور عوامی احتجاج کے پیش نظر وزیر اعظم سعد حریری کو استعفی دینا پڑا تھا۔

لبنان کے عبوری وزیراعظم سعد حریری کی طرف سے وزرات عظمٰی کی امیدواری سے معذرت کے بعد کابینہ میں نئے ناموں پر غور جاری ہے۔

مختلف پارلیمانی جماعتوں کی طرف سے وزارت عظمیٰ کے لیے نام پیش کیے گئے ہیں، اور ان پرغور کیا جا رہا ہے۔ بعض سیاسی جماعتوں کی طرف سے لبنان میں ٹیکنوکریٹ حکومت کی تجویز پیش کی گئی تھی، تاہم اسے مسترد کردیا گیا۔

ذرائع کے مطابق اب تک جو نام زیر غور ہیں، ان میں سابق وزیر اعظم تمام سلام، اقوام متحدہ میں سابق سفیر نواف سلام، سابق وزیر حسان دیاب اور سابق وزیر خالد قبانی شامل ہیں۔

خیال رہے کہ گذشتہ کئی ہفتوں سے لبنان میں سیاسی صورتحال بے حد کشیدہ ہے، اور عوامی احتجاج کے پیش نظر وزیر اعظم سعد حریری کو استعفی دینا پڑا تھا۔