کم جونگ نے ٹرمپ سے ملاقات کی تجویز پیش کی

شمالی کوریا کے رہنما کم جونگ ان نے امریکہ کے صدر ڈونلڈ ٹرمپ کے ساتھ دارالحکومت پیونگ یانگ میں ملاقات کرنے کی تجویز دی ہے۔

جنوبی کوریا کے جونگ آنگ البو اخبار کی رپورٹ کے مطابق کم جونگ نے اگست کے وسط ہفتے میں ٹرمپ کو اس ملاقات کی تجویز پیش کی تھی۔ اس سے قبل گزشتہ ہفتے ٹرمپ نے صحافیوں سے کہا تھا کہ وہ اس سال کم جونگ کے ساتھ ملاقات کریں گے لیکن انہوں نے ملاقات کی جگہ نہیں بتائی تھی۔ شمالی کوریا کی حکومت امریکہ کے ساتھ ستمبر کے آخر میں مذاکرات کرنا چاہتی ہے لیکن ملاقات کے ذکر کے درمیان شمالی کوریا مسلسل میزائل تجربے بھی کر رہا ہے۔ واضح رہے کہ ٹرمپ اور کم جونگ کے درمیان جون 2018 سے لے کر اب تک تین میٹنگیں ہو چکی ہیں۔