کووڈ -19 : جاپان میں قومی سطحی ٹیکہ کاری کی مہم شروع

جاپان میں کورونا وائرس کی وبا شروع ہونے کے بعد سے اب تک 419700 کیسز سامنے آئے ہیں جبکہ 7100 افراد اس وبا کی زد میں آکر ہلاک ہو چکے ہیں۔

جاپان میں قومی سطح پر کووِڈ۔ 19 کے پیش نظر ویکسینیشن مہم آج سے شروع کر دی گئی ہے۔ وزارت صحت کے مطابق پہلے مرحلے میں پورے ملک میں تقریباً 100 طبی اداروں کے 40 ہزار سے زیادہ طبی اہلکاروں کی ٹیکہ کاری کی جائے گی۔

مارچ میں دوسرے مرحلے میں 30.7 لاکھ صحت اہلکاروں کو ٹیکہ کاری کے دائرے میں لایا جائے گا۔ اس کے بعد اپریل میں 65 برس سے زیادہ عمر والے 3.6 کروڑ افراد کو ویکسین کی خوراک دی جائے گی۔

جاپان میں ابھی محض فائزر اور بایواین ٹیک ویکسین کے استعمال کی منظوری دی گئی ہے۔ ویکسین کی پہلی کھیپ گذشتہ ہفتے یہاں پہنچی ہے اور دوسری کھیپ اگلے ہفتے پہنچنے کا امکان ہے۔

جاپان میں کورونا وائرس کی وبا شروع ہونے کے بعد سے اب تک 419700 کیسز سامنے آئے ہیں جبکہ 7100 افراد اس وبا کی زد میں آکر ہلاک ہو چکے ہیں۔