اسرائیلی وزیراعظم نتن یاہو کا دورہ بحرین ملتوی

متحدہ عرب امارات اور بحرین نے تعلقات کو معمول پر لانے کے لئے 15 ستمبر کو اسرائیل کے ساتھ معاہدہ پر دستخط کئے تھے۔ اس معاہدے کے بعد دونوں ممالک کے تعلقات استوار ہو رہے ہیں۔

اسرائیلی وزیر اعظم بنیامن نتن یاہو کا بحرین کا دورہ ملتوی کر دیا گیا ہے اور اب یہ دورہ دسمبر کے وسط میں متوقع ہے۔

ہارٹیزکے مطابق نتن یاہو نے منگل کے روز کہا کہ انہوں نے مستقبل قریب میں ملک کے ولی عہد شہزادہ سلمان بن حماد کی دعوت پر بحرین جانے کا پروگرام بنایا ہے۔

اخبار کے مطابق نتن یاہو اگلے ہفتے بحرین کا دورہ نہیں کریں گے۔ ان کا متحدہ عرب امارات کا دورہ وہاں قومی تعطیل ہونے کی وجہ سے منسوخ کردیا گیا ہے۔

دوسری جانب اسرائیلی وزیر اعظم کے دفتر نے بھی اس بات پر کچھ بھی کہنے سے انکار کر دیا ہے۔