اتوار کے روز ہزاروں عراقی زائرین نے اربعین کے موقع پر زیارت کے لئے عراقی شہر کربلا کی طرف پیدل سفر کا آغاز کیا۔
ساتویں صدی عیسوی میں حضرت محمد صلی اللہ علیہ وسلم کے نواسے حضرت حسین رضی اللہ عنہ اور ان کے اہل و عیال کی شہادت کے غم میں ہر برس یوم شہادت کے چالسویں روز شیعہ حضرات پیدل ہی کربلا کا رخ کرتے ہیں۔
کربلا آنے والے زائرین بغداد سے 90 کلو میٹر شمال میں پیدل چل کر کربلا پہنچتے ہیں، اور یہ موقع شہادت کے چالیسویں روز ہوتا ہے، اس لیے اصطلاح میں اسے 'اربعین' کے نام سے جانا جاتا ہے۔
اتوار کے روز اربعین میں آنے والے ہزاروں زائرین کو رضاکاروں کی جانب سے ماسک تقسیم کیے گئے اور ان کے لیے کھانے کا بھی انتظام کیا گیا۔
ہر برس اربعین کے لیے آنے والے زائرین میں بڑی تعداد ایرانی باشندوں اور بیرون ممالک سے آنے والوں کی ہوتی ہے، لیکن رواں برس کورونا کے سبب سرحد کو بند کر دیا گیا ہے۔