’امریکا نے طالبان کے آگے گھٹنے ٹیک دیے’

ایران نے افغانستان کے امن معاہدہ کا حوالہ دیتے ہوئے امریکہ کو طالبان کے آگے ہتھیار ڈالنے کے مترادف قرار دیا ہے۔

ایران کے وزیر خارجہ محمد جواود ظریف نے ٹويٹ کیا ہے کہ امریکہ کو کبھی بھی افغانستان میں دخل نہیں دینا چاہیے تھا لیکن اس کے باوجود امریکہ دخل دیا اور اور اس کے لیے ہر کسی کو مورد الزام ٹھہرایا اور اب 19 سال تک رسوا ہونے کے بعد اب اس نے طالبان کے آگے ہتھیار ڈال دیے۔

ٹویٹ

جواد ظریف نے یہ بھی کہا کہ امریکہ افغانستان میں زبردست بدنظمی پھیلا دے گا جیسا کہ اس نے شام، عراق اور یمن میں کیا ہے، امریکہ کو طالبان کے ساتھ معاہدے پر دستخط کرنے یا پھر افغانستان میں معاہدے کا وقت مقرر کرنےکا کوئی حق نہیں ہے۔

انہوں نے کہا کہ ایران سمجھتا ہے کہ امریکی کارروائی کا واحد مقصد وہاں اپنے فوجی موجودگی کو درست ٹھہرانا ہے۔