ایران نے کہا ہے کہ اگر امریکہ 2015 کے جوہری معاہدے سے پیچھے ہٹنے پر معافی مانگتاہے اور اس کی تلافی کرتا ہے تو وہ امریکہ کے ساتھ جوہری مذاکرات کا آغاز کرنے کے لئے تیار ہے۔
ایرانی صدر حسن روحانی نے بدھ کے روز کابینہ کے اجلاس میں کہا کہ 'ہمیں امریکہ کے ساتھ بات چیت کرنے میں کوئی دشواری نہیں ہے، لیکن یہ صرف اس شرط پر ہوسکتی ہےکہ وہ جوہری معاہدے کے تحت اپنی ذمہ داریوں کو پورا کرے اور 2015 کے جوہری معاہدے سے باہر نکلنے پر ایران سے معافی مانگے اور اس کا معاوضہ دے'۔