ایران نے امریکی فوجی کمانڈ سے متعلق ہنگامی بل منظور کیا

ایران کی جانب سے یہ اقدام صدر ڈونلڈ ٹرمپ کے اپریل میں ایران کے 'پاسداران انقلاب' کو دہشت گرد تنظیم قرار دینے کے فیصلے کی عکس بندی کرتا ہے۔

ایران کی پارلیمنٹ نے ایک ہنگامی بل منظور کیا ہے جس میں واشنگٹن کے پینٹاگون میں امریکی فوج کی کمانڈ کو دہشت گرد قرار دیا گیا ہے۔

پارلیمنٹ کے اسپیکر علی لاریجانی نے کہا کہ وہ تمام افراد جنہوں نے پینٹاگون اور ان کی فوج کے ساتھ مل کر اس جرم (جنرل قاسم سلیمانی کے قتل) کا اتکاب کیا ہے، ان کا شمار دہشت گردوں میں ہوتا ہے۔

خیال رہے کہ ایران کی جانب سے یہ اقدام صدر ڈونلڈ ٹرمپ کے اپریل میں ایران کے 'پاسداران انقلاب' کو دہشت گرد تنظیم قرار دینے کے فیصلے کی عکس بندی کرتا ہے۔

قانون سازوں نے 'ڈیتھ ٹو امریکہ، نوکمپرومائز، نو سرینڈر، اور ریوینج ریوینج جیسے نعروں کو دہرایا۔

ایران کی پارلیمنٹ نے اس بل کو خصوصی طریقہ کار سے پیش کیا، تاکہ بہت جلد ہی اسے قانون کی شکل دی جا سکے۔ اس حال میں جب ملک بھر میں سلیمانی کے قتل کا بدلہ لینے کا ہنگامہ ہے۔

بل کی ووٹنگ میں یہ بھی دیکھا گیا کہ قانون سازوں نے 'قدس فورس' 224 ملین امریکی ڈالر کے اضافی فنڈ کو منظوری دی۔