پاکستان آج گرفتار بھارتی ونگ کمانڈر ابھینندن وردھمان کو رہا کرے گا۔ ابھینندن کو آج واہگہ بارڈر پر بھارتی ہائی کمیشن کے حوالے کیا جائے گا۔
پاکستانی وزیراعظم نے گزشتہ روز قومی اسمبلی سے خطاب کرتے ہوئے ابھینندن کو رہا کرنے کا اعلان کیا تھا اور کہا تھا کہ یہ قدم دونوں ممالک کے درمیان جذبۂ خیر سگالی کے تحت اٹھایا جا رہا ہے۔
گرشتہ عمران خان کے اعلان سے قبل امریکی صدر ڈونلڈ ٹرمپ نے کہا تھا کہ وہ دونوں ممالک کے درمیان کشیدگی ختم کرنے کی کوشش کر رہا ہے اور دونوں کی جانب سے اچھی خبر آ رہی ہے۔
اس کے بعد پاکستانی وزیرخارجہ شاہ محمود قریشی نے کہا تھا کہ عمران خاں دونوں ممالک کے درمیان امن کی بحالی کے لیے گرفتار بھارتی پائلٹ ابھینندن کی رہائی کا اعلان کر سکتے ہیں۔
بتایا جا رہا ہے کہ بھارتی ونگ کمانڈر ابھینندن کا استقبال کے لیے بڑی تعداد میں لوگ اٹاری واگہہ سرحد پہنچ رہے ہیں۔
غور طلب ہے کہ 27 فرروی کو بھارتی اور پاکستانی فضائیہ کی لڑائی کے دوران بھارتی مگ 21 طیارے کریش ہو کر پاکستان کے زیرانتظام کشمیر میں گرا تھا اور اس طیارے کے پائلٹ ابھینندن وردھمان کو پاکستانی فوج نے گرفتار کر لیا تھا۔
