انسانی حقوق کونسل کی 74 رکنی ممالک کے اہم سیشن میں شرکت کے لیے بھارت کا اعلیٰ سطحی وفد پہلے ہی جنیوا پہنچ چکا ہے۔
ریاست جموں و کشمیر سے دفعہ 370 اور 35اے کو ہٹائے جانے کے فیصلے کے خلاف تجویز لانے کے لیے پاکستان کی جانب سے دباؤ بنائے جانے کی کسی بھی کوشش کو ناکام بنانے کے سلسلے میں بھارت دوست ممالک کا تعاون چاہے گا۔
اقوام متحدہ کی حقوق انسانی کونسل (یو این ایچ سی آر سی) میں گذشتہ ماہ یہ مسئلہ اٹھانے میں پاکستان کو ناکامی ہاتھ آئی تھی۔
سکیورٹی کونسل کی غیر رسمی اجلاس میں چین کو چھوڑ کر 14 رکن ممالک نے جموں و کشمیر کو دوطرفہ مسئلہ قرار دیتے ہوئے کہا تھا کہ 'یہ مسئلہ 1972 کے شملہ معاہدہ اور 1999 کے لاہور اعلامیہ کے جزبے کے تحت کیا جانا چاہیے۔'
یو این ایچ آر سی میں 13 افریقی ممالک، بر اعظم ایشیا کے اتنے ہی ممالک، آٹھ لاطینی امریکی، سات مغربی یورپی اور چھ مشرقی یورپی ممالک شامل ہیں۔
جنیوا میں موجود بھارتی وفد کی قیادت وزارت خارجہ میں سابق سکریٹری وجے ٹھاکر سنگھ کر رہے ہیں۔
مزید پڑھیں : کشمیر میں پولیس اور فوج کی کاروائی، 8 دہشت گرد گرفتار
ذرائع نے اس بات کا اشارہ دیا ہے کہ دیگر بین الاقوامی اسٹیج کی طرح یہاں بھی بھارت اپنے موقف پر زور دے گا کہ دفعہ 370 کو ریاست سے ہٹایا جانا اس کا اندرونی مسئلہ ہے۔
ریاست جموں و کشمیر میں سیاسی رہنماؤں کی گرفتاری اور پابندیوں پر روشنی ڈالتے ہوئے پاکستان کے وزیر خارجہ شاہ محمود قریشی نے جنوب مشرقی ایشیاء میں 'ایٹمی پروگراموں' کا بھی حوالہ دیا۔
آج شام بھارت 5.45 بجے اجلاس سے خطاب کرے گا اور اس کے بعد دونوں فریقوں کو شام کے اوقات میں مباحثہ کے لئے وقت مل جائے گا۔
بھارت نے ہمیشہ کہا ہے کہ کشمیر ایک اندرونی معاملہ ہے۔ اس نے بین الاقوامی برادری کو یہ بھی بتایا ہے کہ جموں و کشمیر کی حیثیت میں ہونے والی تبدیلیاں داخلی معاملہ ہیں ، جسے بیشتر اقوام نے قبول کیا ہے۔
