فضائیہ نے 168 افراد کو کابل سے نکالا

انڈین ایئر فورس (آئی اے ایف) کا ایک فوجی ٹرانسپورٹ طیارہ اتوار کی صبح 108 بھارتیوں سمیت 168 افراد کو کابل سے لے کر غازی آباد کے ہنڈن ایئربیس پہنچا۔

طالبان کے بحران کے درمیان کابل سے لوگوں کو نکالنے کا عمل جاری ہے۔

بھارتی فضائیہ کا ایک خصوصی طیارہ 168 افراد کے ساتھ کابل سے بھارت پہنچا۔

ایئر فورس کا طیارہ اتوار کی صبح اتر پردیش کے غازی آباد میں ہنڈن ایئربیس پر لینڈ ہوا۔ یہاں تمام مسافروں کا RT-PCR ٹیسٹ کیا گیا۔

انڈین ایئرفورس (آئی اے ایف) کے ایک فوجی ٹرانسپورٹ طیارے نے اتوار کے روز 108 ہندوستانیوں سمیت 168 افراد کو کابل سے نکال لیا جب کہ ایک ہفتے قبل کابل پر طالبان کے قبضے کے بعد افغان دارالحکومت میں بے یقینی کی صورت حال ہے۔

اس معاملے کے بارے میں جانکاری رکھنے والے عہدیداروں نے بتایا کہ 87 دیگر ہندوستانیوں اور دو نیپالی شہریوں کو ہفتہ کے روز بھارتی فضائیہ کے ایک فوجی ٹرانسپورٹ طیارے میں کابل سے تاجکستان کے دارالحکومت دوشنبے لے جایا گیا۔

دریں اثنا 135 افراد کا ایک قافلہ جسے امریکہ اور نیٹو کے طیاروں کے ذریعے گزشتہ چند دنوں میں کابل سے دوحہ لے جایا گیا تھا وہ بھی بھارت پہنچ گیا۔

بتایا جا رہا ہے کہ کابل سے دوحہ لائے گئے بھارتی افغانستان میں غیر ملکی کمپنیوں میں ملازمت کر رہے تھے۔

وزارت خارجہ کے ترجمان ارندم باغچی نے ٹویٹ کیا کہ 'ہندوستانیوں کا انخلا جاری ہے۔ بھارت کے 107 شہریوں سمیت 168 مسافروں کو بھارتی فضائیہ کے خصوصی طیاروں کے ذریعے کابل سے غازی آباد لایا جا رہا ہے۔ انہوں نے بتایا کہ طیارے میں کئی بڑے سکھ لیڈر بھی موجود ہیں۔

باغچی نے رات تقریبا 1. 1.20 بجے ٹویٹ کیا 'بھارتیوں کو افغانستان سے واپس لایا جا رہا ہے۔

AI1956 طیارہ تاجکستان سے کل 87 بھارتیوں کو نئی دہلی لا رہا ہے۔

دو نیپالی شہریوں کو بھی لایا جا رہا ہے۔ دوشنبے میں ہندوستانی سفارت خانے نے اس میں مدد کی۔

لوگوں کو نکالنے کے لیے مزید پروازوں کا انتظام کیا جائے گا۔