بھارت-سنگاپور کا سمندری شعبے میں تعاون کے سمجھوتے پر دستخط

بھارتی بحریہ نے سنگاپور بحریہ کے ساتھ ’سب میرین ریکسیو اسپورٹ اینڈ کارپوریشن‘ شعبے میں ایک سمجھوتے پر دستخط کیے ہیں۔

بھارت اور سنگاپور نے سمندری شعبے میں تعاون کے لیے سمجھوتے پر دستخط کیے ہیں۔

وزیر دفاع راج ناتھ سنگھ اور سنگا پور وزیر دفاع ڈاکٹر این جی انگ ہین کے درمیان ورچوول طریقے سے ہوئے پانچویں مذاکرات کے بعد اس سمجھوتے پر دستخط کیے گئے۔ دونوں وزرائے دفاع نے بھارت۔سنگاپور وزرائے خارجہ مذاکرات کے دوران دفاع کے شعبے میں کووڈ 19 وبا کے باوجود مسلسل بڑھ رہے تعاون پر اطمینان ظاہر کیا۔

وزیر دفاع راج ناتھ سنگھ

دونوں وزرائے دفاع نے گذشتہ کئی برسوں سے دفاع سے متعلق مختلف شعبوں میں چلے آرہے دو طرفہ تعاون کا جائزہ لیا اور اسے اور زیادہ جامع اور وسیع کرنے پر اتفاق ظاہر کیا۔

انہوں نے دفاعی ٹیکنالوجی اور دفاعی صنعت کے شعبے میں تعاون بڑھانے کے علاوہ نئے شعبوں میں تعاون کے امکانات پر بھی تبادلہ خیال کیا۔

میٹنگ کے بعد، دونوں رہنماؤں کی ورچوول موجودگی میں سب میرین ریسکیو اسپورٹ اینڈ کوآپریشن کے میدان میں ایک اہم معاہدے پر دستخظ کیے۔ میٹنگ میں سیکریٹری دفاع ڈاکٹر اجے کمار بھی موجود تھے۔

مسٹر سنگھ نے کورونا وبا سے نمٹنے میں سنگاپور کی مسلح افواج کے رول کی ستائش کی۔

یو این آئی