بغداد میں دھماکہ، 4 ہلاک 30سے زائد زخمی

عراق کے دارالحکومت بغداد کے صوبہ بابل میں جمعہ کو ایک موٹرسائیکل میں زوردار دھماکہ ہوا جس سے کم از کم چار افراد ہلاک جبکہ 30 سے زائد افراد زخمی ہو گئے۔

ژنہواکے حوالہ سے ذرائع نے بتایا کہ دھماکہ جمعہ کی شام کو دارالحکومت بغداد سے 80 کلومیٹر دور المسیب شہر کے بھیڑ بھاڑ والے علاقے میں ایک موٹر سائیکل میں ہوا۔ دھماکہ اتنا خوفناک تھا کہ کئی دکانوں اور آس پاس کی عمارتوں اور گاڑیوں کو بھی نقصان پہنچا ہے۔

صوبہ بابل کے محکمہ صحت کی جانب سے جاری بیان کے مطابق دھماکہ میں 39 افراد کو چوٹیں آئی ہیں جنہیں علاج کے لئے اسپتال میں داخل کرایا گیا ہے۔

کسی بھی دہشت گرد تنظیم نے اب تک حملے کی ذمہ داری نہیں لی ہے، لیکن خیال کیا جاتا ہے کہ ان دھماکوں کے پیچھے اسلامک اسٹیٹ کے دہشت گردوں کا ہاتھ ہے۔

قابل ذکر ہے کہ عراق گزشتہ کچھ عرصہ سے دہشت گردی کی وجہ سے عدم استحکام سے گزر رہا ہے لیکن 2017 کے بعد عراق کے سیکورٹی کے حالات کو بہترہوتے دیکھا گیا ہے۔