عمران خان کی وزیراعظم نریندر مودی کو مبارک باد

پاکستان کے وزیراعظم عمران خان نے اپنے ہندستانی ہم منصب نریندر مودی کو عام انتخابات میں زبردست کامیابی کی مبارک باد دی ہے۔

عمران خان نے مسٹر مودی کو وزیراعظم نریندر مودی کو انتخابی کامیابی پر مبارک باد کا پیغام ٹوئیٹ کیا ہے۔

انہوں نے حکمراں بی جے پی اور این ڈی اے شرکا کی جیت پر مبارک دیتے ہوئے کہا ہے کہ وہ مسٹر مودی کے ساتھ جنوبی ایشیا میں امن، ترقی اور خوشحالی کے لیے کام کرنے کے حوالے سے پرامید ہیں۔

پاکستانی وزیراعظم کی طرف سے مبارک باد کا یہ پیغام ایسے وقت میں دیا گیا ہے جب پاکستان نے آج ہی بیلسٹک میزائل شاہین دوئم کا تجربہ کیا ہے۔

قبل ازیں ہند و پاک کے وزرائے خارجہ کی کرغستان کے دارالحکومت بشکیک میں مختصر ملاقات بھی ہوئی۔