ماہ ذی الحج کے ایام کی فضیلت اور یوم عرفہ کے روزے کی خصوصی اہمیت پر روشنی ڈالتے ہوئے عالم دین مفتی فرید الدین رحمانی نے ای ٹی وی بھارت سے بات کرتے ہوئے کہا کہ رمضان المبارک کے بعد ذی الحجہ کے دس دن کافی اہمیت والے اور مبارک ہیں۔
ان دس ایام میں 9ویں ذی الحجہ کے روزے کی انتہائی اہمیت ہے۔
انہوں کے ایک حدیث کے حوالے سے بیان کرتے ہوئے کہا کہ 9ویں ذی الحجہ کے روزے کے عوض اللہ تعالی گذشتہ ایک برس اور آئندہ ایک برس کے صغیرہ گناہ معاف کر دیتے ہیں۔
فرید الدین رحمانی نے تمام امت مسلمہ سے 9ویں ذی الحجہ کو روزہ رکھنے اور اپنے گناہوں سے توبہ کرنے کی بھی اپیل کی۔
مولانا نے عیدالضحیٰ کو سادگی اور پرامن طریقے سے منانے کی اپیل کی۔ اپنے آس پاس صفائی رکھنے برادران وطن کو تکلیف نہ پہنچانے اور دیگر مذاہب کے لوگوں کا احترام کرنے پر زور دیا۔
