پاکستان: کراچی میں فرانس کے خلاف احتجاج

کراچی میں احتجاج، فرانس کے صدر کے اس انٹرویو کے بعد کیا گیا، جس میں انہوں نے 'ایک عرب نیوز چینل' سے انٹرویو دیتے ہوئے کہا تھا کہ وہ خاکے سے متعلق مسلمانوں کے احساسات کو سمجھتے ہیں۔

پاکستان کے شہر کراچی میں سینکڑوں مظاہرین نے فرانسیسی قونصل خانے کے قریب ریلی نکالی اور فرانسیسی صدر ایمانوئل میکرون کے خلاف احتجاج کیا۔

اس موقع پر مظاہرین نے فرانس کے صدر کی تصویر اور فرانس کے قومی پرچم کو نذر آتش کیا۔

مظاہرین نے کہا کہ 'ہم آزادی اظہار رائے کے نام پر فرانسیسی صدر میکرون کے ذریعہ اسلامو فوبیا ریمارکس کے خلاف احتجاج کر رہے ہیں۔ آزادی اظہار کا یہ مطلب نہیں ہے کہ آپ پوری دنیا کے لاکھوں مسلمانوں کے جذبات کو ٹھیس پہنچا سکتے ہیں۔

حکام نے فرانسیسی قونصل خانے کے آس پاس کے علاقے کو گھیرے میں لے لیا۔

یہ احتجاج فرانس کے صدر کے اس انٹرویو کے بعد کیا گیا، جس میں انہوں نے 'ایک عرب نیوز چینل' سے انٹرویو دیتے ہوئے کہا تھا کہ وہ خاکے سے متعلق مسلمانوں کے احساسات کو سمجھتے ہیں۔

دوسری جانب میکرون نے اظہار خیال کی آزادی کی بنیاد پر کارٹون کی اشاعت کا دفاع کیا ہے۔