برطانوی وزیراعظم جلد روبہ صحت ہونگے۔مودی

کورونا وائرس سے متاثر برطانیہ کے وزیراعظم بورس جانسن کو آئی سی یو میں داخل کیا گیاہے، اس دوران وزیراعظم نے ان کی جلد صحت یابی کےلیے نیک تمناؤں کا اظہار کیا ہے۔

برطانوی وزیراعظم بورس جانسن کو ایک ہسپتال کے آئی سی یو میں داخل کیا گیاہے۔ ڈوننگ اسٹریٹ کے ترجمان نے بتایا کہ وزیراعظم کی حالت بہت خراب ہے اور ڈاکٹرز کے مشورہ کے بعد انہیں آئی سی یو میں شریک کیا گیا ہے۔

بھارتی وزیراعظم نریندر مودی نے امید ظاہر کی کہ برطانوی وزیراعظم جلد روبہ صحت ہوجائیں گے۔

وزیراعظم نے ٹوئٹ کرکے کہا کہ ’بورس جانسن، امید کہ آپ جلد روبہ صحت ہوکر ہسپتال سے ڈسچارج ہوجائیں گے‘۔

بورس جانسن میں 27 مارچ کو کورونا وائرس مثبت پایا گیا تھا جس کے بعد وہ رہائش گاہ پر قرنطینہ تھے۔