ہانگ کانگ: 15 جمہوریت پسند قانون ساز ارکان کا اجتماعی استعفیٰ

ہانگ کانگ میں 15 جمہوریت پسند قانون سازوں نے اجتماعی طور پر استعفے دے دیا ہے جبکہ ان کا کہنا ہے کہ چین کی جانب سے 4 ارکان کو غلط طریقہ سے نااہل قرار دیا گیا جس کے خلاف انہوں نے احتجاجاً اجتماعی طور پر استعفیٰ دینے کا فیصلہ کیا ہے۔

چین کی قومی پیپلز کانگریس کی قائمہ کمیٹی ہانگ کانگ قانون ساز کونسل میں حزبِ اختلاف سے تعلق رکھنے والے 4 قانون سازوں کو نااہل قرار دینے کے بعد 15 دیگر جمہوریت پسند قانون سازوں نے اجتماعی طور پر استعفیٰ پیش کردیا ہے۔

قبل ازیں چین نے حزب اختلاف کے 4 قانون سازوں پر ہانگ کانگ کے قانون کی خلاف ورزی کا الزام عائد کیا ہے جس کے بعد حزب اختلاف کے 19 قانون سازوں نے چین کے امکانی اقدام کے خلاف سخت ردعمل کا اظہار کرتے ہوئے استعفیٰ کی دھمکی دی تھی تاہم انہوں نے آج استعفیٰ پیش کردیا۔

ایک نیوز کانفرنس کو خطاب کرتے ہوئے 15 ارکان نے چین کی جانب سے کئے گئے اقدام کی سخت مذمت کی اور اسے بے رحمانہ اقدام قرار دیا۔