افغانستان: مسلح افراد کی فائرنگ سے سات مزدور ہلاک

افغانستان کے صوبہ ننگرہار میں مسلح افراد کی فائرنگ سے سات مزدور ہلاک ہوگئے ہیں۔

افغانستان کے صوبہ ننگرہار میں ایک سیکیورٹی عہدیدار نے بتایا کہ نامعلوم مسلح افراد نے رات میں کم از کم سات افغان شہریوں کو گولی مار کر ہلاک کردیا ہے۔

صوبہ ننگرہار کے صوبائی پولیس چیف جنرل جمعہ گل ہمت نے بتایا کہ حملے کا نشانہ بننے والے لوگ ضلع سورکھ روڈ میں واقع پلاسٹر فیکٹری میں مزدور تھے۔

انہوں نے مزید بتایا کہ پولیس نے چار مشتبہ افراد کو گرفتار کیا ہے۔

بتا دیں کہ داعش نے اس طرح کے حملوں کی ذمہ داری قبول کی ہے، لیکن بہت سے دوسرے شدت پسند گروپوں نے اس طرح کے حملے کی تردید کی ہے۔

حکومت زیادہ تر حملوں کا الزام طالبان پر عائد کرتی ہے جبکہ طالبان اس سے انکار کرتے رہتے ہیں اور اس کے لیے حکومت پر الزام عائد کرتے ہیں۔