پاکستان: سی ٹی ڈی پولیس کی کارروائی میں چار شدت پسند ہلاک

شدت پسندوں کی موجودگی کی خفیہ اطلاع پر آپریشن کیا گیا۔

پاکستان کے صوبے بلوجستان کے دارالحکومت کوئٹہ کے مارواڑ میں سی ٹی ڈی پولیس کی کارروائی کے دوران فائرنگ کے تبادلے میں 4 شدت پسند مارے گئے جبکہ 6 فرار ہوگئے۔

ترجمان سی ٹی ڈی کوئٹہ کے مطابق کوئٹہ سے ملحقہ علاقے مارواڑ میں سی ٹی ڈی پولیس کی کارروائی کے دوران فائرنگ کے تبادلے میں 4 شدت پسند مارے گئے جبکہ ان کے 6 ساتھی فرار ہونے میں کامیاب ہوگئے۔

ترجمان کے مطابق شدت پسندوں کی موجودگی کی خفیہ اطلاع پر آپریشن کیا گیا، کئی گھنٹے جاری رہنے والے آپریشن کے بعد شدت پسندوں کے زیر استعمال کمپاؤنڈ کی تلاشی کا عمل مکمل کرلیا گیا ہے۔ کمپاونڈ سے بھاری مقدار میں اسلحہ اور گولہ بارود بھی برآمد ہوا۔ ترجمان کے مطابق شدت پسند گزشتہ ایک ماہ سے فورسز پر حملوں میں ملوث رہے ہیں۔

(یو این آئی)