پاکستان میں سڑک حادثہ، پانچ افراد ہلاک، دو زخمی

پاکستان کے شمالی وزیرستان میں ایک سڑک حادثہ میں کم از کم پانچ افراد کے ہلاک اور دو دیگر کے زخمی ہونے کی خبر ہے۔

پاکستان کے صوبہ خیبرپختونخواہ میں شمال مشرق کے قبائلی ضلع شمالی وزیرستان میں ایک ایمبولنس اور ڈمپر کی ٹکر میں کم از کم پانچ افراد کی موت ہوگئی اور دو دیگر افراد زخمی ہوگئے۔

میڈیا رپورٹ کے مطابق یہ حادثہ شمالی وزیرستان میں سئیدگی کے پاس ہوا۔ اس واقعہ کی اطلاع ملنے پر پولیس، راحت اور بچاؤ اہلکار موقع پر پہنچے اور ہلاک ہوئے افراد اور زخمیوں کو ہسپتال پہنچایا۔

ایک افسر نے میڈیا کو بتایا کہ حادثہ کے وقت ایمبولنس میران شاہ سے ایک دل کے مریض کو لے کر ضلع بَنُّو جا رہی تھی۔

صحت اہلکاروں کا ماننا ہے کہ ہلاکتوں کی تعداد بڑھ سکتی ہے کیونکہ اس حادثے میں زخمی دونوں افراد کی حالت نازک ہے۔ ابتدائی تفتیش میں پتہ چلا ہے کہ ایمبولنس ڈرائیور تیز رفتار میں گاڑی چلا رہا تھا جس کے سبب یہ حادثہ ہوا۔

یو این آئی